شو بالظبط منعمل بالورشة وليش؟

رحلة للذات من خلال ديوان نسائي تشاركي، فيه منصغي لنَفّسنا وللقصص والتفاصيل لمخبّاي جوّاتنا اللي النَّفَس بقدر يشاركنا فيها عن حالنا.

عن طريق أدوات مختلفة منذكّر نفسنا إننا مش لحالنا وإنه دائما منقدر نرجع لنَفَسنا ولصوتنا لنساعد حالنا على التجذّر، التَنفيس، توسيع عالمنا الدّاخلي والامتداد.

 

شو منوخد معنا من الورشة؟

من خلال 6  مدارات مقسّمين لورشة 1 للمبتدئات وورشة2 للمتقدّمات، مننكشف على تقنيات تنفّس متعدّدة، على تحرير أصوات  بدائيّة متخبية جوّاتنا، اللي من خلال تحريرها وتبنّيها باليوم يوم تبعنا ممكن تساعدنا على تنشيط أجهزة الجسم، توسيع الخلايا وإحياء مشاعر ومفاهيم جسديّة وذهنيّة وتتيح إلنا نتشارك بعفويّة وصفاء قصص وأغاني لنفّرغ اللي منختار نفرغه ونتعبّى من الطاقات والإلهام  الجمعي النسائي . 

 

شو الفرق بين ورشة "متّة" و "متّة 40+"؟

الجيل والأدوات؛

متّة مع تريز 40+  للنساء من جيل الأربعين وفوق.

متّة مع تريز للنساء من كافة الفئات العمريّة.

ورشة متّة 40+  فيها 3 مدارات مبنية على تمارين نَفَس، حلقات إصغاء اللي منتشارك فيها قصصنا وأغنية جماعيّة بتتركّز حول مركز طاقة في الجسم.

ورشة متّة فيها 3 مدارات مبنيّة على تمارين نَفَس، تأمّل صوتي وكتابة حدسيّة بتتركّز حول مركز طاقة في الجسم.

 

في حال ما قدرتش آجي عواحد من التواريخ بروح علي ؟

بعد المدار التالت من كل ورشة  في مدار تعويض ممكن يتقاطعوا  فيه جميع النساء من كل الفئات العمرية ويكون فيه انكشاف عالادوات المختلفة بين الورشتين.

 ممكن الانضمام لهاد اللقاء كتاريخ بديل عن واحد من تواريخ الورشة في حال كان صعب التواجد فيه.

 

هل بنفع أهدي حدا قريب عقلبي هيك ورشة؟

بكلّ حب، لكن بعد مشاركة اللي بتحبّي تهديها هاي الهدية بالمضمون وموافقها عليه حتى تقدر تستفيد وتستمتع، النيّة اللي منيجي معاها  بتأثّر بشكل جوهري على تجربتنا.

 

كيف ممكن نحجز ورشة لمجموعة مسكّرة؟ وقديش ممكن يكون عددنا أقل أو أكتر إشي؟

بالتّنسيق المسبق بشكل مباشر معي، حتى يكون في ملائمة توقّعات واتفاق بخصوص كل التفاصيل وبعد الاتفاق عالتفاصيل ببعت رابط التسجيل.

 

في حال ما كنش عنا فيزا كيف ممكن ندفع؟

 عن طريق تطبيق Bit أو نقدي.

 

هل بحاجة أجيب معي إشي؟

قطعة ملابس دافية، قنينتك المي في حال بتحبي تخليها معك خلال الورشة،

والأهم تعالي بنيّة الاستمتاع، إنت جاي تهدي حالك نَفَس نضيف بتستحقّيه :-)